Jalta Hun Uss Pahar Pe

جلتا ہوں اُس پہاڑ پہ لوبان کی طرح غارِ حرا بھی تازہ ہے قرآن کی طرح

وہ مان لیں اگر تو یہ نسبت بھی کم نہیں اُن کے قدم کی خاک ہوں انسان کی طرح

بند آنکھ سے کروں میں کھلی آنکھ کا سفر میرا شعور ہے مرے وجدان کی طرح

Find Your Favorite Lyrics Anytime, Anywhere - Install the App Today!

کب جانے موت چل پڑے کاندھے پہ ڈال کر رہتا ہوں میں بندھے ہوئے سامان کی طرح

رکھّا ہوا ہے آپ کو سینے کی رحل پر لپٹا ہوا ہوں آپ سے جُزدان کی طرح

اُترے ہر ایک سانس بھی میرے وجود پر اللہ اور رسولؐ کے فرمان کی طرح

کرتا رہوں میں خود کو نچھاور حضورؐ پر بوبکر کی طرح کبھی عثمان کی طرح

اے کاش نعت پڑھنا مظفر نصیب ہو مجھ کو بھی ان کے سامنے حسّان کی طرح