Jald Hum Azim e Gulzar

Jald hum aazim-e-gulzar-e-Madinah honge Hazir-e-dargah-e-sardar-e-Madinah honge

Ab to noorani chaman-zar-e-Madinah honge Saamne ab mere kohsar-e-Madinah honge

Sabz gumbad ki wahan khoob baharein hongi Roobaru phir mere ashjar-e-Madinah honge

Your Lyrics, Even Offline - Install the App for Free!

Wajd aajayega qismat ko bhi us dam wallah Saamne jab mere sarkar-e-Madinah honge

Un ki rahmat se jo mil jaaye Baqi-e-Gharqad Bilyaqeen qabr mein anwar-e-Madinah honge

Qafilay ki yun Madine se judai hogi Muztar-o-ghamzadah zawwar-e-Madinah honge

Naz mein qabr mein mahshar mein woh paayein aaram Dar-e-fani mein jo bimar-e-Madinah honge

Hashr se kyun ho pareshan gunahgaro tum Apne hami wahan sarkar-e-Madinah honge

Un ko hasil mere Aqa ki shafa'at hogi Jo koi hazir-e-darbar-e-Madinah honge

Meri sarkar ka aayega bulawa un ko Jo koi dil se talabgar-e-Madinah honge

Naz mein aashiqon ki eid hi ho jaayegi Un ke sirhane to sarkar-e-Madinah honge

Hashr mein jayenge Attar yun InshaAllah Apni darhi mein saje khar-e-Madinah honge