Jahan Ka Saroor Ablagh Pe

Jahl ka sarwar-e-iblagh pe kham tu ne kiya Zulmat-e-kufr ko khurshid-e-Haram tu ne kiya

But parasti bhi kheenchi aayi sada par teri Deeda-e-sang ko kis pyaar se nam tu ne kiya

Jis se inkar koi qoum nahi kar sakti Aadamiyat pe woh ehsaan woh karam tu ne kiya

Chaand taaron se bhi aage thi rasai teri Aasmanon ko musharraf-ba-qadam tu ne kiya

Khaas thehri to faqat teri nubuwwat thehri Aam Allah ko Allah qasam tu ne kiya

Chal pade log bhatak kar na juda raston par Is liye deen mein duniya ko bhi zamm tu ne kiya

Download Lyrics & Access Offline - Install Our App Now!

Is qadar to koi maa bhi na tadapti hogi Jis qadar ummat-e-beemar ka gham tu ne kiya

Ta-abad ilm ki duniyaein kare ga aabad Harf jo waqt ki lehron pe raqam tu ne kiya

Sher goi to Muzaffar ko Khuda ne bakhshi Apna maddah isay Shah-e-Umam tu ne kiya