Jahan Bhi Haq Par

Jahan bhi haq par, chalega khanjar, tera lahu bolta rahega Har ek mazloom ki sada mein, Hussain tu bolta rahega

Jaise hain tere usool pyare, Rasool-e-Ahl-e-Rasool pyare Woh tere lehje mein sab Yazeedon ke ru-ba-ru bolta rahega

Zamana kitna hi beet jaye, zaban-e-tareekh chup na hogi Tere hawaley se chaak-e-Islam ka rafoo bolta rahega

Teri shahadat ne saari subhon ko doobne se bacha liya hai Tu har kiran mein baghair aawaz, be-gulu bolta rahega

Tere lab-e-khushk se jo phooti woh tazgi hashr tak rahegi Fana ki shakhon pe bhi tera jazba-e-namu bolta rahega

Tere tasawwur ka zindagi bhar tawaf karti rahengi aankhein Azaan ke bol ban ke tu mere chaar su bolta rahega

More Lyrics, Less Storage - Install the App and Ditch the Screenshots!

Buland rakkha alam ko jis ne, diye ujale haram ko jis ne Sakoot kitna bhi ho Muzaffar, woh Allah Hu, bolta rahega