Jabeen Pe Naqsh

Jabeen pe naqsh-e-dar-e-Mustafa ﷺ ke laya hoon Khuda ka qurb bahut door ja ke laya hoon

Ab apni sehat-e-batin ka mujh ko fikr nahin Tabeeb-e-ishq se nuskhe dua ke laya hoon

Nishan-e-pa-e-Muhammad ﷺ the ja-namaz meri Main ja-namaz se Kaaba utha ke laya hoon

Har ek sang ko chata tha meri aankhon ne Nazar mein zaiqay Ghar-e-Hira ke laya hoon

Mehakte rehte hain andar gire hue aansu Yeh itr-e-ishq wahin se laga ke laya hoon

Karoon ga jism badar ab har ek siyahi ko Charagh khoon ke andar jala ke laya hoon

No More Screenshots! Save Storage with Our Lyrics App!

Muzaffar apne watan ki fiza sajaoon ga Gali se Aap ﷺ ki jhonke hawa ke laya hoon