Jab Zuban Rehmat e Alam Ki

Jab zabaan-e-Rehmat-e-Aalam ki sana karti hai Rooh us waqt Madine mein phira karti hai

Kuch shabein mein bhi Madine mein guzar aaya hoon Roshni si mere andar bhi raha karti hai

Aap ki khaak-e-qadam us se zyada hai aziz Pyaar jitna kisi khushbu se hawa karti hai

Daaman-e-rehm-o-karam mein woh chupa lete hain Zindagi jab kabhi bhoole se khata karti hai

Un ki dehleez-e-tasawwur pe jo sar rakhta hoon Mujh se atkheliyaan jannat ki hawa karti hai

Kyun na hairat se farishtey meri jaanib dekhein Mujh ko aarasta khaak-e-kaf-e-paa karti hai

More Lyrics, Less Storage - Install the App and Ditch the Screenshots!

Usi jannat mein kabhi hoga thikana mera Jo Muzaffar meri aankhon mein basa karti hai