Jab Zuban Rehmat e Alam Ki

جب زباں رحمت عالم کی ثنا کرتی ہے روح اس وقت مدینے میں پھرا کرتی ہے

کچھ شبیں میں بھی مدینے میں گزار آیا ہوں روشنی سی مرے اندر بھی رہا کرتی ہے

آپ کی خاک قدم اس سے زیادہ ہے عزیز پیار جتنا کسی خوشبو سے ہَوا کرتی ہے

دامن رحم و کرم میں وہ چھپا لیتےہیں زندگی جب کبھی بھولے سے خطا کرتی ہے

Never Be Without Your Favorite Lyrics - Get the App for Offline Access!

ان کی دہلیزِ تصور پہ جو سر رکھتا ہوں مجھ سے اٹکھیلیاں جنت کی ہوا کرتی ہے

کیوں نہ حیرت سے فرشتے مری جانب دیکھیں مجھ کو آراستہ خاکِ کف پا کرتی ہے

اسی جنت میں کبھی ہوگا ٹھکانہ میرا جو مظفر مری آنکھوں میں بسا کرتی ہے