Ahmed Hain Muhammad Hain

احمدؐ ہیں محمدؐ ہیں یٰسین ہیں طٰہٰ ہیں مدعوئے زمانہ ہیں داعیِ اِلَی اللہ ہیں

اوصاف مرید اُن کےٗ نزدیک و بعید اُن کے گہرائی ہیں رفعت ہیں وُسعت ہیں احاطہ ہیں

جو اُن سے ہو وابستہ وہ گل سے ہو گلدستہ مکتب ہیں معلّم ہیں حکمت ہیں صحیفہ ہیں

حیران ہوں سُن سُن کے ، ہیں کتنے ہی رخ اُن کے سورج ہیں ستارہ ہیں دریا ہیں کنارہ ہیں

صفحاتِ دو عالم بھیٗ ان کے لئے ناکافی تفسیر ہیں ایماں کی قرآں کا خلاصہ ہیں

نبیوں کی اِمامت کی صدیوں کی نظامت کی وہ صاحب اسریٰ ہیں وہ ہاتفِ سدرہ ہیں

آقاؐ کا سفر نامہ دل نامہ نظر نامہ تاریخِ محبت ہیں اخلاق کا شجرہ ہیں

ہر عہد کی سچائی جا کر اُنھیں لے آئی احساں کا عدالت کا عظمت کا اثاثہ ہیں

Never Be Without Your Favorite Lyrics - Get the App for Offline Access!

پیغمبر رحمت کا ، وعدہ ہے شفاعت کا محشر میں مظفر کی بخشش کا وسیلہ ہیں