Jab Woh Chehra

Jab woh chehra dikhai deta hai Ishq sajda dikhai deta hai

Kya idhar se Huzoor ﷺ guzray hain Chaand sa yeh dikhai deta hai

Ro raha hai yeh kaun khalwat mein Ghaar-e-Sidra dikhai deta hai

Sang-e-Aswad ko is liye choomon Un ka bosa dikhai deta hai

Never Be Without Your Favorite Lyrics - Get the App for Offline Access!

Kis qadar mutma'in hain meray Huzoor ﷺ Ghar mein faqa dikhai deta hai

Sara Quran ba se seen talak Un ka khutba dikhai deta hai

Kis ke naqsh-e-qadam pe chalta hoon Saaf rasta dikhai deta hai

Bakhuda kis qadar hayat-afroz Un ka roza dikhai deta hai

Sara jughrafiya Muzaffar ko Un ka hujra dikhai deta hai