Jab Woh Chehra

جب وہ چہرہ دکھائی دیتا ہے عشق سجدہ دکھائی دیتا ہے

کیا ادھر سے حضورؐ گزرے ہیں چاند سا یہ دکھائی دیتا ہے

رو رہا ہے یہ کون خلوت میں غار سدرہ دکھائی دیتا ہے

سنگ اسود کو اس لئے چوموں اُن کا بوسہ دکھائی دیتا ہے

Offline Lyrics Anytime, Anywhere - Download the App Today!

کس قدر مطمئن ہیں میرے حضورؐ گھر میں فاقہ دکھائی دیتا ہے

سارا قرآن ب سے س تلک اُن کا خطبہ دکھائی دیتا ہے

کس کے نقش قدم پہ چلتا ہوں صاف رستہ دکھائی دیتا ہے

بخدا کس قدر حیات افروز اُن کا روضہ دکھائی دیتا ہے

سارا جغرافیہ مظفر کو اُن کا حجرہ دکھائی دیتا ہے