Jab Mauzan Chherta Hai

Jab muazzin chheṛta hai silsila takbeer ka Tair jaata hai fazaon mein lahoo Shabbir ka

Offline Lyrics Anytime, Anywhere - Download the App Today!

Deen ki buniyaad jo apne saron par rakh gayi Seekh lo us Aal-e-Paighambar se dhab tameer ka

Us se poocho mar ke ho jaate hain zinda kis tarah Ghoont daala jis ki shah-rag ne gala shamshir ka

Girte girte bhi sambhaala de gaya Islam ko Aakhri hichki se kaam us ne liya shahteer ka

Sabr ki zarbein laga kar Zaid ke farzand ne Tod daala halqa halqa zulm ki zanjeer ka

Ae mere Quran padhne waalo us ko bhi padho Ik saheefa woh bhi hai Quran ki tafseer ka

Kya baseerat thi Muzaffar Ibn-e-Shehr-e-Ilm ki Apne haathon se likha har faisla taqdeer ka