Jab Mauzan Chherta Hai

جب موذّن چھیڑتا ہے سلسلہ تکبیر کا تَیر جاتا ہے فضاؤں میں لہُو شبیّر کا

دِین کی بنیاد جو اپنے سروں پر رکھ گئی سِیکھ لو اُس آلِ پیغمبر سے ڈھب تعمیر کا

اُس سے پُوچھو مر کے ہو جاتے ہیں زندہ کس طرح گھونٹ ڈالا جس کی شہ رگ نے گلا شمشیر کا

گرتے گرتے بھی سنبھا لا دے گیا اِسلام کو آخری ہچکی سے کام اُس نے لِیا شہتیر کا

صبر کی ضربیں لگا کر زیدؔ کے فرزند نے توڑ ڈالا حلقہ حلقہ ظلم کی زنجیر کا

Find Your Favorite Lyrics Anytime, Anywhere - Install the App Today!

اے مرے قرآن پڑھنے والو اُس کو بھی پڑھو اِک صحیفہ وہ بھی ہے قُرآن کی تفسیر کا

کیا بصیرت تھی مظفّؔر ابنِ شہرِ عِلم کی اپنے ہاتھوں سے لِکھا ہر فیصلہ تقدیر کا