Ishq Toh Hai Tera

Ishq toh hai tera lekin bahutera chaahoon Ab teri dehleez pe umr basera chaahoon

Main bhi ik adna sa Hassan hoon Aaqa Jaane kitni saanson ka mehman hoon Aaqa Aur ik baar teri galiyon ka phera chaahoon

Kar diya tu ne itna roshniyon ka aadi Sooraj chupte hi ja nikaloon teri waadi Shaam dhale bhi apne gird sawera chaahoon

Offline Lyrics Anytime, Anywhere - Download the App Today!

Dard-e-talab rehne de, tishna labi rehne de Loot le jo sab kuch, bas yaad-e-Nabi rehne de Aisa koi khair-andesh lutera chaahoon

Hujra-e-zaat mein jalti dekhoon shama-e-haram bhi Jaaon na bahar teri haddon se ek qadam bhi Charon simt teri rehmat ka ghera chaahoon

Ashk-e-nadamat ki bhi aksar phuhaar teri hai Phir bhi mere andar dhoop hai aur kadi hai Tera saaya chaahoon aur ghanera chaahoon

Hairat se mujh ko har ik unchaai takegi Had-e-nazar bhi shaheen ban kar dekh sakegi Tere qadmon ki paataal mein dera chaahoon