Ishq e Awais o Jazba

Ishq-e-Uwais-o-jazba-e-Buzar bhi daal de Daaman mein Ya Rab un ka muqaddar bhi daal de

Dekhoon main chalte phirte Rasool-e-Kareem ko Aankhon mein sadiyon qabl ke manzar bhi daal de

Mere pyaale mein mere Allah ke Habeeb Apni mohabbatوں ka samundar bhi daal de

Kya kuch nahi hai Roda-e-Minbar ke darmiyan Roda bhi dil mein daal de Minbar bhi daal de

Maidan-e-Hashr tak ki bujhani hai tishnagi Saagar mein apne tu meri gaagar bhi daal de

Find Your Favorite Lyrics Anytime, Anywhere - Install the App Today!

Busiri ko odhai thi jo tu ne khwab mein Woh chadar-e-shifa mere oopar bhi daal de

Jaye jo ab ke, laut ke aana na ho naseeb Dera tere qareeb Muzaffar bhi daal de