Ishq e Awais o Jazba

عشق اویس و جذبہء بوذر بھی ڈال دے دامن میں یارب اُن کا مقدّر بھی ڈال دے

دیکھوں مَیں چلتے پھرتے رسُول ِ کریم کو آنکھوں میں صدیوں قبل کے منظر بھی ڈال دے

میرے پیالے میں مرے اللہ کے حبیب اپنی محبتوں کا سمندر بھی ڈال دے

کیا کُچھ نہیں ہے روضہ منبر کے درمیاں روضہ بھی دل میں ڈال دے منبر بھی ڈال دے

میدانِ حشر تک کی بجھانی ہے تشنگی ساگر میں اپنے تُو مِری گا گر بھی ڈال دے

بوصیری کو اُڑھائی تھی جو تُو نے خواب میں وہ چادرِ شفا مِرے اُوپر بھی ڈال دے

جائے جو اب کے ،لَوٹ کے آنا نہ ہو نصیب ڈیرہ ترے قریب مظفؔر بھی ڈال دے