Intehaun Ke Safar Ki Roshni

Intihaon ke safar ki roshni hain Mustafa ﷺ Zindagi ke baad ki bhi zindagi hain Mustafa ﷺ

Aap hi ka naam Aadam ke liye pehli khabar Aakhirat ki ittila-e-aakhiri hain Mustafa ﷺ

Aayat aayat aap ke kirdaar ki tasveer hai Hum jise Quran kehte hain wahi hain Mustafa ﷺ

Arsh-e-Aazam par namaz-e-wasl ada ki aap ne Sirf Rabb-e-do jahaan ke muqtadi hain Mustafa ﷺ

Wus'at-e-aflaak ki chadar bicha kar dekh lo Dekhna chaho agar kitne sakhi hain Mustafa ﷺ

Your Lyrics, Even Offline - Install the App for Free!

Doon unhein aawaaz toh aawaaz ban jaaye charaagh Jis ke bande hain usi ka noor bhi hain Mustafa ﷺ

Un ke suraj un ke taare doobne wale nahin Mashriqon se maghribon se qeemti hain Mustafa ﷺ

Kausar-o-Tasneem na-kaafi hain mere waaste Mere andar ki Muzaffar, tishnagi hain Mustafa ﷺ