Ilm Muhammad Adal Muhammad

Ilm-e-Muhammad ﷺ adl-e-Muhammad ﷺ pyaara Muhammad ﷺ Saari aala qadron ka shahkaar Muhammad ﷺ

Hum ijmali kya jaa'in tafseel mein un ki Kya dunya kya uqba sab tehveel mein un ki Waqt ke beech Muhammad ﷺ, waqt ke paar Muhammad ﷺ

Suraj chand sitare un ke zer-e-saaya Jo un tak pahuncha woh roshniyan le aaya Baantein kya kya chamkeele kirdar Muhammad ﷺ

Bandon se kya hon gi tehqiqat-e-Khuda ki Masjid-e-hasti ka raqba hai zaat-e-Khuda ki Saare paighambar mehrabein, minar Muhammad ﷺ

Dhoop gunahon ki bhi saaya-daar hai kitni Meri darweshi sarmaya-daar hai kitni Mere lab par aaya laakhon baar Muhammad ﷺ

Free Up Space - Get Lyrics Without Bulky Screenshots!

Apni apni tehzeebain sab bhool chuke hain Sab patthar ke ehd ki jaanib laut rahe hain Dunya ki har qoum ko hain darkaar Muhammad ﷺ

Apni khaas inayat sarf bhi farmate hain Khud us ki tausee-e-zarf bhi farmate hain Ishq jise dete hain be-miqdar Muhammad ﷺ

Kyun na Muzaffar mere paon pade khush-bakhti Meri gardan mein bas un ke naam ki takhti Meri sab khushiyan saare tehwar Muhammad ﷺ