We've added ads to help keep the platform running and improving for you.

Ilm Muhammad Adal MuhammadNot Verified

Muzaffar Warsi

علم محمد ﷺ عدل محمد ﷺ پیارا محمد ﷺ ساری اعلیٰ قدروں کا شہکار محمد ﷺ



No More Screenshots! Save Storage with Our Lyrics App!

Get it on Google Play


ہم اجمالی کیا جائیں تفصیل میں اُن کی کیا دنیا کیا عقبیٰ سب تحویل میں اُن کی وقت کے بیچ محمد ﷺ، وقت کے پار محمد ﷺ


سورج چاند ستارے اُن کے زیر سایہ جو اُن تک پہنچا وہ روشنیاں لے آیا بانٹیں کیا کیا چمکیلے کردار محمدﷺ


بندوں سے کیا ہوں گی تحقیقات خدا کی مسجد ہستی کا رقبہ ہے ذات خدا کی سارے پیمبر محرابیں، مینار محمد ﷺ


دھوپ گناہوں کی بھی سایہ دار ہے کتنی میری درویشی سرمایہ دار ہے کتنی میرے لب پر آیا لاکھوں بار محمدﷺ


اپنی اپنی تہذیبیں سب بھول چکے ہیں سب پتھر کے عہد کی جانب لوٹ رہے ہیں دنیا کی ہر قوم کو ہیں درکار محمدﷺ


اپنی خاص عنایت صرف بھی فرماتے ہیں خود اُس کی توسیع ظرف بھی فرماتے ہیں عشق جسے دیتے ہیں بے مقدار محمد ﷺ


کیوں نہ مظفر میرے پاؤں پڑے خوش بختی میری گردن میں بس اُن کے نام کی تختی میری سب خوشیاں سارے تہوار محمد ﷺ

No More Screenshots! Save Storage with Our Lyrics App!

Get it on Google Play

midhah-logo-grey© 2026 Midhah