Humein Nisbat Hai Aaqa

Hamein nisbat hai Aaqa ﷺ se yeh nisbat hum ko kaafi hai Mohabbat hi mohabbat hai maafi hi maafi hai

Hamari zindagani bat gayi hai do qabeelon mein Nazar aawara-e-asbaab hai dil aitkaafi hai

Hum un se pyaar bhi karte hain duniya par bhi marte hain Zabaan iqraar-naama hai amal waada-khilaafi hai

Download Lyrics & Access Offline - Install Our App Now!

Mo'aalij koi apna un se barh kar ho nahin sakta Nazar unki maseeha hai tawajjah unki shaafi hai

Sajaayein zindagi apni duroodon se salaamon se Yehi zaahir ka saafa hai yehi baatin ki saafi hai

Ghazal mein bhi Muzaffar Warsi haq baat karte hain Magar phir bhi hamari naat ghazlon ki talaafi hai