Humein Nisbat Hai Aaqa

ہمیں نسبت ہے آقاؐ سے یہ نسبت ہم کو کافی ہے محبت ہی محبت ہے معافی ہی معافی ہے

ہماری زندگانی بٹ گئی ہے دو قبیلوں میں نظر آوارہء اسباب ہے دل اعتکافی ہے

ہم ان سے پیار بھی کرتے ہیں دنیا پر بھی مرتے ہیں زباں اقرار نامہ ہے عمل وعدہ خلافی ہے

معالج کوئی اپنا اُن سے بڑھ کر ہو نہیں سکتا نظر انکی مسیحا ہے توجہ ان کی شافی ہے

سجائیں زندگی اپنی درودوں سے سلاموں سے یہی ظاہر کا صافہ ہے یہی باطن کی صافی ہے

غزل میں بھی مظفر وارثی حق بات کرتے ہیں مگر پھر بھی ہماری نعت غزلوں کی تلافی ہے