Hum Go Hain Buri Qismat

Hum go hain bure qismat hai bhali jab pusht-e-panah un sa paya Woh jis ko mile din us ke phire paya jo unhein to Khuda paya

Meraj ki shab humrah hain sab Sidrah aaya koi na raha Sidre se barhe Jibraeel rahe tanha hain jo Arsh-e-Khuda paya

Jibraeel ki aankhon se poocho ae chashm-e-haqeeqat been keh tu Unhein farsh pe tu ne kya dekha sidre se barhe to kya paya

Woh jis ko mile, Imaan mila, Imaan to kya Rehman mila Quran bhi jab hi haath aaya jab dil ne woh noor-e-huda paya

Be-misli-e-Haq ke mazhar ho phir misl tumhara kyon kar ho Nahin koi tumhara hum-palla na tera koi hum-paya paya

Nahin jalwa mein un ke yakra hi koi aqa kahe koi bhai Momin samjha banda-e-parwar andhon ne mehez banda paya

Irshad hua sooraj loota paya jo ishara chand chira Badal rim-jhim rim-jhim barsa jab hukm-e-Habib-e-Khuda paya

More Lyrics, Less Storage - Install the App and Ditch the Screenshots!

Tum hi to ho wahdat ke mazhar tum hi to ho kasrat ke masdar Hai qibla-e-hajaat aap ka dar Kaaba ne tumhein Kaaba paya

Sattar mere qurban tere duniya mein to mere ayb dhake Mehshar mein bhi izzat rakh lena tum sa na koi apna paya

Sirf ek pyala paani hai aur peene wale chaudah sau Us waqt un ki har ungli se paani ka rawan chashma paya

Jabir ke ghar thore jau par mehman kiya sara lashkar Sab ser hue lekin khana jo pehle tha waisa paya

Ab tak to khilaye luqma-e-turab chor ke dar-e-ham jayen kidhar Pursish hai jahan nakaron ki woh aap ka darwaza paya

Duniya se bachalo Salik ko kaam apni raza ke us se lo Ik yeh hi tamanna baqi hai ab tak to jo kuch manga paya