Hon Gi Maqbool Huzoori ki

Hon gi maqbool huzoori ki duaein kab tak Dekhiye mujh ko Madine woh bulayein kab tak

Dekhna yeh hai ke woh samne aayein kab tak Jalwa-e-hosh ruba hum ko dikhayein kab tak

Jazb-e-dil ab to mujhe sue Madinah le chal Main bhugtata rahoon furqat ki sazayein kab tak

Girya-e-ishq-e-Muhammad ﷺ bhi sukoon-samaan hai Un ki marzi hai ke mujh ko rulayein kab tak

Ya Nabi ﷺ! ghir ke jo aayi hain chaman par mere Khul ke barsein gi woh rehmat ki ghataein kab tak

Jane kab pohanche Madine mein hamari aawaz Daad, faryaad ki, Sarkar ﷺ se payein kab tak

Apna bas to nahin taqdeer pe lekin, Aqa ﷺ! Ta-ba-ke ranj sahein, thokarain khayein kab tak

Kaun sunta hai ba-juz Aap ﷺ ke faryaad apni Sarguzasht apni zamane ko sunayein kab tak

Free Up Space - Get Lyrics Without Bulky Screenshots!

Kab Madine se talab ho kise maloom Naseerؔ Kya khabar Un ﷺ ke dar-e-naaz pe jayein kab tak.