Ho Mubarak Ehl e Eman Eid e Milad ul Nabi

ہو مبارک اہلِ ایماں عیدِ مِیلادُالنّبی ﷺ ہوگئی قسمت درخشاں عیدِ مِیلادُالنّبی ﷺ

چار سُو ہیں کیا چھما چھم رحمتوں کی بارشیں جھومتے ہیں ابرِ باراں عیدِ مِیلادُالنّبی ﷺ

نور کی پھوہار برسی چار سُو ہے روشنی ہوگیا گھر گھر چراغاں عیدِ مِیلادُالنّبی ﷺ

Get Lyrics On-The-Go! Download Our App Now!

چار جانب دھوم ہے سرکارﷺ کے میلاد کی جھومتا ہے ہرمسلماں عیدِ مِیلادُالنّبی ﷺ

جانتے ہو کیوں ہے روشن آسماں پر کہکشاں ہےکیا حق نے چراغاں عیدِ مِیلادُالنّبی ﷺ

ہم نہ کیوں روشن کریں گھرگھردیۓ میلاد کے خود کرے جب حق چراغاں عیدِ مِیلادُالنّبی ﷺ

آؤ دیوانو! چلو سب آمِنہ کے گھر چلیں نور سے بھر لائیں داماں عیدِ مِیلادُالنّبی ﷺ

عیدِ مِیلادُالنّبی ﷺ کا واسطہ عطارؔ کو بخش دےمولاۓ رحماں عیدِ مِیلادُالنّبی ﷺ