Hayya Ala Khair Alamal

Hayya 'ala khair-il-'amal Aankhein bicha pairon tale Jin par mere Aaqa chale Chal tu bhi un raahon pe chal Hayya 'ala khair-il-'amal

Apni taraf takta nahin Tujh sa koi yakta nahin Jhonka kisi toofan ka Tujh ko bujha sakta nahin Kar bai'at-e-ishq-o-wafa Ban ja charagh-e-Mustafa Seene mein jal hathon pe jal Hayya 'ala khair-il-'amal

Jab farz tujh ko yaad hai Phir tujh pe kyun iftaad hai Shagird-e-dunya na kar Tu waqt ka ustaad hai Dil sarwar-e-deen se laga Aankhein nahin qismat jaga Chehra nahin sheesha badal Hayya 'ala khair-il-'amal

Offline Lyrics Anytime, Anywhere - Download the App Today!

Saare sanam mismaar kar Khair-ul-bashar ﷺ se pyaar kar Rakh kar Nabi ko saamne Aaraish-e-kirdar kar Apnaye gi rehmat tujhe Mil jaye gi jannat tujhe Apne azabon se nikal Hayya 'ala khair-il-'amal

Kyun sard hai tera lahoo Mayoos kyun itna hai tu Quran ki aawaz mein Sun naghma-e-la taqnato Tujh mein to us ki baas hai Jis jaan-e-haq ke paas hai Teri har ik mushkil ka hal Hayya 'ala khair-il-'amal