Hasrat Bhare Dilon Se

Hasrat bhare dilon se hum aaye hain laut kar Hai chaak chaak hijr mein yeh seena-o-jigar

Achha lage ga ab hamein kaise watan mein ghar Afsos chhod aaye Muhammad ﷺ ka paak dar

Hum ko toh is liye hai Madinah aziz-tar Is mein janab-e-rehmat-e-alam hain jalwa-gar

Aisa sukoon jaa ke main dhoondo ga ab kidhar! Jaisa sukoon tha mujhe roze ko dekh kar

Woh sabz gumbad aur woh minar chhut gaye Sarkar ﷺ ka Madinah hum aaye hain chhod kar

Meetha Madinah haaye! nigahon se chhip gaya Ae aankh! khoon role tu rona hai jis qadar

Dil khoon ugal raha tha mera hijr-e-shah ﷺ mein Jab chal pada tha shehr-e-Madinah ko chhod kar

Ashkon ki lag gayi thi jhadi meri aankh se Chhoota tha jab Madinah main roya tha phoot kar

Instant Access to Thousands of Lyrics - Tap to Install!

Kuche mein Shah-e-Kon-o-Makan ﷺ ke sukoon tha Aata tha lutf gumbad-e-khazra ko dekh kar

Behtar hai maut furqat-e-Taibah se bilyaqeen Mar jaata kaash! Aaqa ﷺ Madine ki khaak par

Rota rahoon tadapta rahoon chain hi na aaye Gham apna aisa do mujhe ae Shah-e-Bahrobar

Sozo-gudaaz is ki fazaon mein char-soo Pur-kaif-o-pursukoon hai Sarkar ﷺ ka nagar

Mujh ko Baqi-e-Paak mein do gaz zameen do Hasnain ؑ ke tufail, Madine ke tajwar

Duniya ke ranj met ke gham apna de ise Badkar par ho aisi mere Mustafa ﷺ nazar

Attar ؒ kar raha hai yeh ro ro ke iltija Phir se bulaiye ga Madine mein jald-tar