Har Zarra e Wajood Se

Har zarra-e-wujood se un ko pukaar ke Sahraon mein bhi geet sunay aabshaar ke

Your Lyrics, Even Offline - Install the App for Free!

Mujh ko unhon ne apni panahon mein kya liya Qabzay se hi nikal gaya apnay madaar ke

Main lamha lamha kharch karoon un se pooch kar Maalik hain ab wahi meray lail-o-nahaar ke

Aao chalo Huzoor ke darbaar mein chalein Melay lagay hain rahmat-e-Parwardigaar ke

Yeh kis ke raaston ki jami dhool jism par Mausam thahar gaye meray andar bahaar ke

Aankhon pe haath kis ke tasawwur ne rakh diya Manzar dikhayi denay lagay aar paar ke

Har roshni ko main ne mureed apna kar liya Seenay mein ik shua-e-Muhammad ﷺ utaar ke

Ishq-e-Rasool ka yeh Muzaffar kamaal hai Donon jahan jeet liye khud ko haar ke