Har Baat Ik Saheefa Thi

Har baat ik saheefa thi Ummi Rasool ﷺ ki Alfaaz thay Khuda ke zabaan thi Rasool ﷺ ki

Get Lyrics On-The-Go! Download Our App Now!

Wahdaniyat ke phool khilay garam rait par Di sang-e-be-zabaan ne gawahi Rasool ﷺ ki

Behboodi-o-falah ke jugno nikal paray Tareekiyon mein jab khuli mutthi Rasool ﷺ ki

Parcham thay naqsh-e-pa ke, sitaron ke haath mein Guzri jo kahkashan se, sawari Rasool ﷺ ki

Seerhi lagaye arsh-e-Khuda par Nabi ki yaad Chalti hai saans, thaam ke ungli Rasool ﷺ ki

Dekhein ge meray sar ki taraf log hashr mein Chamkay gi taaj ban ke ghulami Rasool ﷺ ki

Pehla qadam azal se abad aakhir-e-safar Phaili hai kainaat pe hasti Rasool ﷺ ki

Khultay hain dar kuch aur Muzaffar shaoor ke Karta hoon jab main baat Khuda ke Rasool ﷺ ki