Har Baat Ik Saheefa Thi

ہر بات اِک صحیفہ تھی اُمّی رسُولؐ کی الفاظ تھے خُدا کے زباں تھی رسُولؐ کی

وحدانیت کے پھُول کِھلے گرم ریت پر دی سنگِ بے زباں نے گواہی رسُول ؐ کی

بہبودی و فلاح کے جُگنو نِکل پڑے تاریکیوں میں جب کھُلی مُٹھّی رسُول ؐ کی

پرچم تھے نقشِ پا کے ، سِتاروں کے ہاتھ میں گُزری جو کہکشاں سے ، سواری رسُولؐ کی

Download Lyrics & Access Offline - Install Our App Now!

سیڑھی لگائے عرشِ خُدا پر نبی کی یاد چلتی ہے سانّس ، تھام کے اُنگلی رسُول ؐ کی

دیکھیں گے میرے سر کی طرف لوگ حشر میں چمکے گی تاج بن کے غُلامی رسُولؐ کی

پہلا قدم ازل سے ابد آخرِ سَفر پھیلی ہے کائنات پہ ہستی رسُولؐ کی

کُھلتے ہیں دَر کچھ اور مظؔفّر شعور کے کرتا ہُوں جب مَیں بات خُدا کے رسُولؐ کی