Hai Be Panah Muhabbat

Hai be-panah mohabbat mujhe Huzoor ﷺ ke saath To mera hashr bhi hoga mere Huzoor ﷺ ke saath

Yeh ek rah-e-bulandi falak falak jaaye Jise talash-e-Khuda hai chale Huzoor ﷺ ke saath

Har ek ke hisse mein mairaj-e-Mustafa ﷺ aayi Khuda parast Khuda tak gaye Huzoor ﷺ ke saath

No Internet? No Problem! Get the App for Offline Lyrics!

Bujhayein tishnagiyan apni sahiban-e-hunar Adab ke saath chalein falsafe Huzoor ﷺ ke saath

Samundaron mein kinaron ki justuju thi hamein Zahe naseeb ke hum ja lage Huzoor ﷺ ke saath

Zamana karta hai israr, mere saath chalo Khuda ka hukm, chale aaiye Huzoor ﷺ ke saath

Jidhar se jaoge pahunchoge ek manzil par Mohabbaton ke hain sab silsile Huzoor ﷺ ke saath

Chalo ke tarbiyat-e-deeda-o-shaoor karein Hawa Huzoor ﷺ ke saath, aaine Huzoor ﷺ ke saath

Muyassar aisa Muzaffar ko qurb ho jaise Shareek-e-Saur Abubakar thay Huzoor ﷺ ke saath