Hai Apni Jagah Khoob Ibadat Ki Lazzat

Hai apni jagah khoob ibaadaat ki lazzat Lekin hai juda teri mulaqaat ki lazzat

Milta hai ajab lutf tere shehar ki had mein Mashoor kiye deti hai haalaat ki lazzat

Jis raat ke haasil tha tere rukh ka nazaara Bhooli nahi ab tak mujhe us raat ki lazzat

Roshan teri taqleed se aamaal ka chehra Taskeen-e-fishaan tere khayalaat ki lazzat

Hai auj pe us shakhs ki qismat ka sitaara Haasil ho jise khidmat-e-saadaat ki lazzat

Ho jaata hai ik kaif meri rooh pe taari Yaad aati hai jab tere muqalaat ki lazzat

Your Lyrics, Even Offline - Install the App for Free!

Toota tere irshaad se tafreeq ka jaadoo Bakhshi teri seerat ne musaawaat ki lazzat

Fatwa yeh mila Hazrat-e-Maalik ke amal se Qurbaan teri dehleez pe Arafaat ki lazzat

Paata hi nahi Naat se Shehzaad faraaghat Chakh leta kabhi varna munaajaat ki lazzat