Hai Apni Jagah Khoob Ibadat Ki Lazzat

ہے اپنی جگہ خوب عبادات کی لذت لیکن ہے جدا تیری ملاقات کی لذت

ملتا ہے عجب لطف ترے شہر کی حد میں مسحور کیے دیتی ہے حالات کی لذت

جس رات کہ حاصل تھا ترے رخ کا نظارہ بھولی نہیں اب تک مجھے اس رات کی لذت

روشن تری تقلید سے اعمال کا چہرہ تسکینِ فشاں تیرے خیالات کی لذت

ہے اوج پہ اس شخص کی قسمت کا ستارہ حاصل ہو جسے خدمتِ سادات کی لذت

Your Lyrics, Even Offline - Install the App for Free!

ہو جاتا ہے اک کیف مری روح پہ طاری یاد آتی ہے جب تیرے مقالات کی لذت

ٹوٹا ترے ارشاد سے تفریق کا جادو بخشی تری سیرت نے مساوات کی لذت

فتویٰ یہ ملا حضرتِ مالک کے عمل سے قرباں تیری دہلیز پہ عرفات کی لذت

پاتا ہی نہیں نعت سے شہزاد فراغت چکھ لیتا کبھی ورنہ مناجات کی لذت