Go Zaleel o Khwar

Go zaleel-o-khwar hoon kar do karam Par sag-e-darbar hoon kar do karam

Ya RasoolAllah! Rehmat ki nazar Hazir-e-darbar hoon kar do karam

Rehmaton ki bheek lene ke liye Hazir-e-darbar hoon kar do karam

Dard-e-isyaan ki dawa ke waste Hazir-e-darbar hoon kar do karam

Apna gham do chashm-e-nam do dard-e-dil Hazir-e-darbar hoon kar do karam

No More Screenshots! Save Storage with Our Lyrics App!

Aah! palle kuch nahi husn-e-amal! Muflis-o-nadar hoon kar do karam

Jazba-e-husn-e-amal hai aur na ilm Naqis-o-bekaar hoon kar do karam

Aasiyon mein koi hum-palla na ho! Haye woh badkar hoon kar do karam

Hai taraqqi par gunahon ka marz Aah! woh beemar hoon kar do karam

Tum gunahgaron ke ho Aaqa Shafee main Bhi toh haqdar hoon kar do karam

Daulat-e-akhlaq se mehroom hoon Haye! badguftar hoon kar do karam

Aankh de kar mudda'a poora karo Talib-e-deedar hoon kar do karam

Dost, dushman ho gaye Ya Mustafa Bekas-o-nachar hoon kar do karam

Kar ke tauba phir gunah karta hai jo Main wahi Attar hoon kar do karam