Ghatayein Gham Ki Chai

گھٹائیں غم کی چھائیں دل پریشاں یا رسول اللہ ﷺ تُمہی ہومیرے درددکھ کا درماں یا رسول اللہ ﷺ

نسیمِ طیبہ سے کہہ دودل مضطر کو جھونکا دے بنے شامِ اَلَم صبح بہاراں یا رسول االلہ ﷺ

مناظر بے وفا دُنیا کے ہوں سب دور نظروں سے تصور میں رہیں طیبہ کی گلیاں یا رسول اللہ ﷺ

نہ مجھ کو آزما دنیا کا مال و زر عطا کرکے عطا کراپنا غم اور چشم گریاں یا رسول اللہ ﷺ

ترے دیدار کا طالب لگاۓ آس بیٹھا ہوں خدارا اب دکھا دو روۓ تاباں یا رسول اللہ ﷺ

میرا سینہ مدینہ ہو مدینہ میرا سینہ ہو رہے سینے میں تیرا درد پنہاں یارسول اللہ

مجھے ہریالے گنبد کے تلے قدموں میں موت آۓ سلامت لے کےجاؤں دین وایماں یارسول اللہ ﷺ

نہیں حُسنِ عمل کوئی مرے اعمال نامے میں تری رحمت مری بخشش کا ساماں یا رسول اللہ ﷺ

پڑوسی خلد میں عطارؔ کو اپنا بنا لیجۓ جہاں ہیں اتنے احساں اور احساں یارسول اللہ ﷺ