Qismat Meri Chamkaye Aaqa

قسمت مِری چمکایۓ چمکایۓ آقا ﷺ مجھ کو بھی درِ پاک پہ بُلوایۓ آقا ﷺ

سینے میں ہو کعبہ تو بسے دل میں مدینہ آنکھوں میں مِری آپ سما جایۓ آقا ﷺ

بےتاب ہوں بےچین ہوں دیدار کی خاطر تڑپائیں نہ اب خواب میں آجایۓ آقا ﷺ

ہرسمت سے آفات و بَلِیّات نے گھیرا مجبور کی امداد کواب آیۓ آقا ﷺ

سُکرات کا عالم ہے شہا! دَم ہے لبوں پر تشریف سِرہانے مِرے ان لایۓ آقا ﷺ

وحشت ہے اندھیرا ہےمری قبر کے اندر آکر ذرا روشن اسے فرمایۓ آقا ﷺ

Download Lyrics & Access Offline - Install Our App Now!

مُجرِم کو لۓ جاتے ہیں اب سوۓ جہنم لِلّٰہ شفاعت مِری فرمایۓ آقا ﷺ

عطارؔ پہ ہو بہر رضا اِتنی عنایت ویرانۃ دِل آکے بسایۓ آقا ﷺ