Amal Ka Jazba Ho Ata Ya Ilahi

عمل کا ہو جذبہ عطا یا الہٰی گناہوں سے مجھ کو بچا یا لہٰی

میں پانچوں نمازیں پڑھوں با جماعت ہو تو فیق ایسی عطا یا لہٰی

پڑھوں سنتِ قَبٗلِیہَ وقت ہی پر ہوں سارے نوافل ادا یا لہٰی

دے شوقِ تلاوت دے ذوق عبادت رہوں با وضو میں سدا یا لہٰی

ہمیشہ نگاہوں کو اپنی جھکا کر کروں خاشعانہ دعا یا لہٰی

ہو اخلاق اچھا ہو کردار ستھرا مجھے متقی تو بنا یا لہٰی

میں مٹی کے سادہ سے برتن میں کھاؤں چٹائی کا ہو بسترا یا الہٰی

میں نیچی نگاہیں رکھوں کاش! ہر دم عطا کردے شرم و حیا یا الہٰی

Why Screenshot When You Can Download? Get the App for Efficient Storage!

ہمیشہ کروں کاش پردے پہ پردہ تو پیکر حیا کا بنا یا الہٰی

لباس سنتوں سے مزین رہے اور عمامہ ہو سر پہ سجا یا الہٰی

ہر اک مدنی انعام عطارؔ پاۓ کرم کر پۓ مصطفیٰ ﷺ یا الہٰی