Sab Pukaro Jhoom Kar Meetha Madina Marhaba

سب پکارو جھوم کر میٹھا مدینہ مرحبا جھوم کرلب چُوم کرمیٹھا مدینہ مرحبا

ڈوبا رہتا ہے مدینہ روشنی میں ہرگھڑی رات ہویا ہو سحر میٹھا مدینہ مرحبا

نور برساتے منارے سبز گنبد کی بہار دل ہو روشن دیکھ کرمیٹھا مدینہ مرحبا

جانتے ہو سبز گنبد کیوں ہےاتنا پُرکشش اس میں ہےآقا ﷺ کاگھر میٹھا مدینہ مرحبا

جبکہ چلتی ہے صبا آقاﷺ کا روضہ چوم کر جھوم اٹھتے ہیں شجر میٹھا مدینہ مرحبا

پھول توپھرپھول ہیں کانٹے بھی اس کے حسن میں خوب سے ہیں خوب تر میٹھا مدینہ مرحبا

ہم کو پیارا ہے مدینہ اس لیے کہ رہتے ہیں اس میں شاہ بحروبرﷺ میٹھا مدینہ مرحبا

نور کی برسے پھوار اس میں رہے ہردم بہار خوبصورت ہے نگر میٹھا مدینہ مرحبا

ہجرِ طیبہ میں تڑپتے ہیں جو یارب! ان کا بھی ہو مدینے کا سفر میٹھا مدینہ مرحبا

No Internet? No Problem! Get the App for Offline Lyrics!

یارسول اللہﷺ کہتے ہی ٹلیں گی مشکلیں غمزدوں آؤ ادھر میٹھا مدینہ مرحبا

رات روشن دن منور سب سماں پرنور ہے دیکھ لو اہلِ نظر میٹھا مدینہ مرحبا

جھوم کرتارے کریں دیدار طیبہ روز اور ہوں فدا شمس وقمر میٹھا مدینہ مرحبا

جو مدینے آگیا عطارؔ آکر مَر گیا وہ بڑا ہے بختور میٹھا مدینہ مرحبا