Gunahon Se Mujh Ko Bacha Ya Ilahi

گننناہوں سے مجھ کو بچا یا الہٰی بری عادتیں بھی چھڑا یا الہٰی

خطاؤں کو میری مٹا یا الہٰی مجھے نیک خصلت بنا یا الہٰی

تجھے واسطہ سارے نبیوں کا مولیٰ مِری بخش دے ہر خطا یا الہٰی

میں عشقِ نبی ﷺ میں رہوں گم ہمیشہ تو دیوانہ ایسا بنا یا الہٰی

دکھا ہر برس تو حرم کی فضائیں تو مکہ مدینہ دکھا یا الہٰی

جو روتے ہیں ہجر مدینہ میں ان کو مدینے کی گلیاں دکھا یا الہٰی

مجھے سُنیت پر تو دے استقامت پۓ شاہِ احمد رضا یا الہٰی

تو انگریزی فیشن سے ہر دم بچا کر مجھے سنتوں پہ چلا یا الہٰی

سدا پیر ومرشد رہیں مجھ سے راضی کبھی بھی نہ ہوں یہ خفا یا الہٰی

Free Up Space - Get Lyrics Without Bulky Screenshots!

بنا دے مجھے ایک در کا بنادے میں ہر دم رہوں باوفا یا الہٰی

مجھے مال و دولت کی آفت نے گھیرا بچا یا الہٰی بچا یا الہٰی

نہ دے جاہ و حشمت، نہ دولت کی کثرت گداۓ مدینہ بنا یا الہٰی

یہ دل گور تیرہ سے گھبرا رہا ہے پۓ مصطفیٰ ﷺ جگمگا یا الہٰی

عطارؔ کو چشمِ نم دے کے ہر دم مدینے کے غم میں رلا یا الہٰی