Gham e Furqat Rulaye

Gham-e-furqat rulaye kaash hardam Ya RasoolAllah Rahun har waqt mein ba-deeda-e-nam Ya RasoolAllah

Jigar bhi sokhta jaan sokhta, dil chaak seena chaak Mile gham aur gham bas aap ka gham Ya RasoolAllah

Nahi taaj-e-shahi ki aarzu bas ek armaan hai Nikal jaaye tumhare rubaru dam Ya RasoolAllah

Why Screenshot When You Can Download? Get the App for Efficient Storage!

Mere Aaqa bahaye ashk jo hijr-e-Madinah mein Ata kardo mujhe woh chashm-e-pur-nam Ya RasoolAllah

Hamare dil ki har dhadkan se Taibah ki sada nikle Rahe zikr-e-Madinah lab pe har dam Ya RasoolAllah

Shaha! Chashm-e-karam ho tishnagaan-e-deed par ab toh Tumhari deed ka sharbat piyen hum Ya RasoolAllah

Gunahon ka andhera chha gaya hai hum kameeno par Khudara ho karam noor-e-mujassam Ya RasoolAllah

Jahan jaaun jidhar jaaun Madine ki faza paaun Mile lutf-e-huzoori jaan-e-aalam Ya RasoolAllah

Tawaf-e-khanah-e-Kaaba ka tum mujh ko sharaf de do Piyun Makkah mein aakar aab-e-zamzam Ya RasoolAllah

Madine jab mein pahunchun toh kaleja mera phat jaaye Wahan ro ro ke apna tod dun dam Ya RasoolAllah

Baqi-e-paak mein mujh ko jagah Sarkar mil jaaye Tufail-e-peer-o-murshid Ghous-e-Azam Ya RasoolAllah

Hussain ibn-e-Ali ke waste kardo karam jin ka Ke hai yaum-e-shahadat das Muharram Ya RasoolAllah

Wahi ummat khataon mein padi hai raat mein jin ke Liye roya kiye maanind-e-shabnam Ya RasoolAllah

Shaha! Attar ka dil toot jaaye! Kaash dunya se Rahe gum aap ki ulfat mein har dam Ya RasoolAllah