Gar Humein Zauq Talab

Gar hamen zauq-e-talab sa rahnuma milta nahin Rasta milta nahin aur mudda'a milta nahin

Jhuk ke mehr-o-maah goya de rahe hain yeh sada Doosra main koi tum sa doosra milta nahin

Ibtaghoo farma ke goya Rab ne yeh farma diya Be-waseela Najdio! har-giz Khuda milta nahin

Un se umeed-e-wafa ae dil mehez bekar hai Ahl-e-dunya se mohabbat ka sila milta nahin

Kis ne tujh se keh diya dil be-gharaz aate hain woh Be-gharaz nadan koi be-wafa milta nahin

Dekhte hi dekhte sab apne begane hue Ab to dhoonde se bhi koi aashna milta nahin

Lau lagata kyun nahin baab-e-Shah-e-Konain se Haath utha kar dekh to phir un se kya milta nahin

Tere maikhane mein jo kheenchi thi woh may kya hui Baat kya hai aaj peene ka maza milta nahin

Saqiya teri nigah-e-naz may ki jaan thi Pher li to ne nazar to woh nasha milta nahin

More Lyrics, Less Storage - Install the App and Ditch the Screenshots!

Peene wale dekh pee kar aaj un ki aankh se Phir yeh aalam hoga ke khud ka pata milta nahin

Akhtar-e-khasta abas dar dar phira karta hai tu Juz dar-e-Ahmad ﷺ kahin se mudda'a milta nahin