Farishte Jis Ke Zair Hain

Farishte jis ke zaair hain Madine mein woh turbat hai Yeh woh turbat hai jis ko Arsh-e-Aazam par fazeelat hai

Bhala dasht-e-Madinah se chaman ko koi nisbat hai Madine ki faza rashk-e-bahaar-e-baagh-e-jannat hai

Madinah gar salamat hai toh phir sab kuch salamat hai Khuda rakhe Madine ko isi ka dam ghaneemat hai

More Lyrics, Less Storage - Install the App and Ditch the Screenshots!

Madinah aisa gulshan hai jo har gulshan ki zeenat hai Bahaar-e-baagh-e-jannat bhi Madine ki badaulat hai

Madinah chhor kar sair-e-jinan ki kya zaroorat hai Yeh jannat se bhi behtar hai yeh jeete ji ki jannat hai

Hamein kya Haq Ta'ala ko Madine se mohabbat hai Madine se mohabbat un se ulfat ki alamat hai

Gada gar hai jo us ghar ka wahi sultan-e-qismat hai Gadayi us dar-e-wala ki rashk-e-badshahat hai

Jo mustaghni hua un se muqaddar us ka khaibat hai Khalilullah ko hangam-e-mahshar un ki haajat hai

Ilahi woh Madina kaisi basti hai dikha dena Jahan rehmat barasti hai jahan rehmat hi rehmat hai

Madinah chhor kar jannat ki khushboo mil nahi sakti Madine se mohabbat hai toh jannat ki zamanat hai

Zameen mein woh Muhammad hain woh Ahmad aasmanon mein Yahan bhi un ka charcha hai wahan bhi un ki midhat hai

Yahan bhi unki chalti hai wahan bhi unki chalti hai Madinah raajdhani hai do aalam par hukumat hai

Ghazab hi kar diya Akhtar Madine se chale aaye Yeh woh jannat hai jis ki Arsh walon ko bhi haajat hai

Madinah chhor kar Akhtar bhala kyun jayen jannat ko Yeh jannat kya har ik ne'mat Madine ki badaulat hai