Falak Se Uncha Muqam

Falak se ooncha maqam mera ho Ya Muhammad ﷺ Tumhare qadmon tale basera ho Ya Muhammad ﷺ

Tumhari parchhaiyon se main bhi lipat ke dekhun Tuloo mujh se bhi ik sawera ho Ya Muhammad ﷺ

Tumhari aawaz jazb kar lun samaton mein Tumhari khushbu mera pherera ho Ya Muhammad ﷺ

Zamana hosh se ye aankhein bhi muntazir hain Kabhi tumhara idhar bhi phera ho Ya Muhammad ﷺ

Na ho mere namah-e-amal par koi siyahi Na mere andar kabhi andhera ho Ya Muhammad ﷺ

Find Your Favorite Lyrics Anytime, Anywhere - Install the App Today!

Woh tod daale na kyun hisar-e-wujood apna Tumhari banhon ne jis ko ghera ho Ya Muhammad ﷺ

Khuda kare hashr tak Muzaffar ki qabr mein bhi Tumhare reham-o-karam ka dera ho Ya Muhammad ﷺ