Falak Se Uncha Muqam

فلک سے اُونچا مقام میرا ہو یا مُحمّدؐ تمھارے قدموں تلے بسیرا ہو یا مُحمّدؐ

تمھاری پر چھائیوں سے مَیں بھی لپٹ کے دیکھوں طلوع مُجھ سے بھی اِک سویرا ہو یا مُحمّدؐ

تمھاری آواز جذب کر لوں سماعتوں میں تمھاری خوشبو مِرا پھریرا ہو یا مُحمّؐد

زمانہ ہوش سے یہ آنکھیں بھی منتظر ہیں کبھی تمھارا ادھر بھی پھیرا ہو یا مُحمّؐد

Get Lyrics On-The-Go! Download Our App Now!

نہ ہو مِرے نامہء عمل پر کوئی سیاہی نہ میرے اندر کبھی اندھیرا ہو یا مُحمّؐد

وہ توڑ ڈالے نہ کیوں حصارِ وجود اپنا تمھاری بانّہوں نے جس کو گھیرا ہو یا مُحمّؐد

خُدا کرے حشر تک مُظفؔر کی قبر میں بھی تمھارے رحم و کرم کا ڈیرا ہو یا مُحمّدؐ