Do Jahan Mein Koi Tum Sa

Do jahan mein koi tum sa doosra milta nahi Dhoondte phirte hain mehr-o-mah pata milta nahi

Hai rag-e-gardan se aqrab nafs ke andar hai woh Yun gale se mil ke bhi hai woh juda milta nahi

Aab-e-bahr-e-ishq-e-jaanan seena mein hai maujzan Kaun kehta hai hamen aab-e-baqa milta nahi

Aab-e-tegh-e-ishq-e-pee kar zinda-e-javeed ho Gham na kar jo chashma-e-aab-e-baqa milta nahi

Doob to bahr-e-fana mein phir baqa payega tu Qabl az bahr-e-fana bahr-e-baqa milta nahi

Duniya hai aur apna matlab be-gharaz matlab koi Aashna milta nahi na-aashna milta nahi

Zarra zarra khaak ka chamka hai jis ke noor se Be-baseerat hai jise woh mah-laqa milta nahi

Zarra zarra se ayan hai aisa zahir ho ke bhi Qatre qatre mein nihan hai bar-mala milta nahi

Jo Khuda deta hai milta hai usi sarkar se Kuch kisi ko Haq se us dar ke siwa milta nahi

Kya alaqa dushman-e-mehboob ko Allah se Be-raza-e-Mustafa hargiz Khuda milta nahi

Koi mange ya na mange milne ka dar hai yahi Be-ata-e-Mustafai mudda milta nahi

Rehnumaon ki si soorat raah maari kaam hai Rehzan hain koo-ba-koo aur rehnuma milta nahi

Ahle gehley hain mashaikh aaj kal har har gali Be-hama-o-ba-hama mard-e-Khuda milta nahi

Hain safa-e-zahiri ke saazo saman khoob khoob Jis ka batin saaf ho woh ba-safa milta nahi

Bar zaban tasbeeh-o-dar dil gaao-khar ka daur hai Aise milte hain bohat is se wara milta nahi

Bas yahi sarkar hai is se hamesha payenge Dene wale dete hain kuch din sada milta nahi

Door saahil mauj hail paar beda kijiye Nao hai manjhdaar mein aur nakhuda milta nahi

Wasl-e-Maula chahte ho to waseela dhoond lo Be-waseela Najdiyo hargiz Khuda milta nahi

Daman-e-mehboob chhore mange khud Allah se Aise mardak ko Khuda se mudda milta nahi

Zarra zarra qatra qatra se ayan phir bhi nihan Ho ke sheh-rag se qareen-tar hai juda milta nahi

Tair-e-jaan ki tarah dil ur ke ja baitha kahan Mere pehlu mein abhi tha kya hua milta nahi

Dahriya uljha hua hai dahr ke phandon mein yun Sara uljha saamne hai aur sira milta nahi

Ilm-e-sane’ hota hai masnoo’ se lekin use Dekh kar masnoo’ sane’ ka pata milta nahi

Naimat-e-konain dete hain do-alam ko yahi Maang dekho un se tum dekho to kya milta nahi

Sab se phir kar aaye hain ab Shah-e-Wala ke huzoor Juz tumhare shafe-e-roz-e-jaza milta nahi

Dard mandi ke liye Adam se ta Isa gaye De jo apne dard ki hukmi dawa milta nahi

Jin se umeed-e-karam thi de diya sab ne jawab Aaj ke kaam aane wala khusrawa milta nahi

Yaas ka alam hai sab se aas tore aaye hain Zaat-e-Wala ke siwa aur aasra milta nahi

Jal rahe hain phunk rahe hain aashiqan-e-sokhta Dhoop hai aur saya-e-zulf-e-rasa milta nahi

Woh hain khursheed-e-risalat noor ka saya kahan Is sabab se saya-e-khair-ul-wara milta nahi

Dushman-e-jaan se kahin badtar hai dushman-e-deen ka Un ke dushman se kabhi un ka gada milta nahi

Qasim-e-naimat se hum mange to Najdi yun baken Kyun Nabi se mangiye Allah se kya milta nahi

MUSAFA MA JAA-A ILLA RAHMATAN LIL-AALAMEEN Chara saz-e-do-sara tere siwa milta nahi

Khud Khuda be-wasta de yeh hamara munh kahan Wasta sarkar hain be-wasta milta nahi

Hum to hum woh ambiya ke bhi liye hain wasta Un ko bhi jo milta hai be-wasta milta nahi

Anbiya baz auliya faiz hain is sarkar mein Har wali ko rasta be-wasta milta nahi

Donon alam paate hain sadqa usi sarkar ka Khud Khuda se paaye jo un ke siwa milta nahi

Find Your Favorite Lyrics Anytime, Anywhere - Install the App Today!

Zan zameen-o-zor aur zar ke hain gahak har kahin Dil se jo ho talib-e-zikr-e-Khuda milta nahi

Charza ik daal ke badle mein len chaukas rahe Yeh na samjhe yeh ikai saikra milta nahi

Dad-e-duniya kaisa uff sunte nahi faryad bhi Sunne wala dard ka koi shaha milta nahi

Baap maa bhai bahan farzand-o-zan ik ik juda Gham-zada har ek hai aur gham-zuda milta nahi

Jo muhib ki cheez hai mehboob ke qabze ki hai Haath mein ho jis ke sab kuch us se kya milta nahi

Dil-sani karne wale hain hazaron dilruba Dil-nawazi karne wala dilruba milta nahi

Dil gaya achha hua is ka nahi gham gham hai yeh Le gaya pehlu se jo woh dilruba milta nahi

Muhi-e-sunnat hami-e-millat woh mujaddid deen ka Paikar-e-rushd-o-huda Ahmad Raza milta nahi

Be-nawa ko be-sada milta hai us sarkar se Doodh bhi bete ko maa se be-sada milta nahi

Kis tarah ho hazir-e-dar Noori-e-be-par shaha Naake roke dushmanon ne rasta milta nahi