Diyar e Shab Ke Liye

Diyar-e-shab ke liye qaryah-e-sahar ke liye Nishan-e-pa tere har ek rah guzar ke liye

Instant Access to Thousands of Lyrics - Tap to Install!

Durood parh ke pahunch jaaun tere rauze par Sawariyon ki zaroorat nahin safar ke liye

Talash-e-husn mein kiyonkar idhar udhar bhatkun Tera khayal bahut hai meri nazar ke liye

Mohabbat apni jab is dil ko bakhash di tu ne To zehen kiyon ho pareshan maal-o-zar ke liye

Ho naaz teri ghulami pe jis qadar, kam hai Ke is se barh ke nahin koi taaj sar ke liye

Agar Khuda ko bhi main tera wasta de dun Kabhi bhatak nahin sakti dua asar ke liye

Bandhi hain jin ki girah mein huzooriyan teri Woh din sambhal ke rakhe hain umar bhar ke liye

Isi bahane Muzaffar ko tu naseeb hua Ke aahatein teri darkar thin gujar ke liye