Diyar-e-Batin Ki Har Gali Mein Rahein Sana Ke Charagh Roshan

Diyar-e-batin ki har gali mein rahein sana ke charagh roshan Shaoor-e-Naat-e-Nabiﷺ ki kirnon se ho mera bhi dimagh roshan

Never Be Without Your Favorite Lyrics - Get the App for Offline Access!

Unhi ki nisbat se jangalon mein par sada baharein hain gulistan ki Unhi ki barkat se ho gaye hain dilon ke toote ayaagh roshan

Mili hain kitni haseen adayein Khuda se Mehboob-e-do jahan ko Ke jin adaon ki yaad se hain dilon mein ulfat ke daagh roshan

Waseela-e-alam mein aayaton ke farogh ka kis ki zaat thehri Kiye Khuda ne labon pe kis ke haroof-e-illa-ul-balagh roshan

Najat kis ke karam se payi dil-e-Qalandar ne masiva se Kiye hain kis ne shab-e-hawa mein ita'aton ke charagh roshan

Tujhe bhi Shahzad mil hi jaye ga noor Aqaﷺ ki bargah se Ke hai uqabon ki ham-nasheeni ke faiz se qalb-e-zaagh roshan