Diyar-e-Batin Ki Har Gali Mein Rahein Sana Ke Charagh Roshan

دیارِ باطن کی ہر گلی میں رہیں ثناء کے چراغ روشن شعورِ نعتِ نبیﷺ کی کرنوں سے ہو مرا بھی دماغ روشن

انہیں کی نسبت سے جنگلوں میں پر صدا بہاریں ہیں گلستاں کی انہیں کی برکت سے ہو گئے ہیں دلوں کے ٹوٹے ایاغ روشن

ملی ہیں کتنی حسیں ادائیں خدا سے محبوبِ دو جہاں کو کہ جن اداؤں کی یاد سے ہیں دلوں میں الفت کے داغ روشن

No Internet? No Problem! Get the App for Offline Lyrics!

وسیلہ عالم میں آیتوں کے فروغ کا کس کی ذات ٹھہری کئے خدا نے لبوں پہ کس کے حروفِ الاّ البلاغ روشن

نجات کس کے کرم سے پائی دلِ قلندر نے ماسوا سے کئے ہیں کس نے شبِ ہوا میں اطاعتوں کے چراغ روشن

تجھے بھی شہزاد مل ہی جائے گا نور آقاﷺ کی بارگہ سے کہ ہے عقابوں کی ہم نشینی کے فیض سے قلبِ زاغ روشن