Diyar-e-Batin Ke Takchon Mein Diye Sana Ke Jalaye Rakhna

Diyar-e-batin ke taqchon mein diye sana ke jalaye rakhna Adab se palkon pe aansuon ke haseen moti sajaye rakhna

Agar na un ke adab ka daman hamare dast-e-niyaz mein ho Abas hai saum-o-salat ke phir pahad sar par uthaye rakhna

Agar na kisht-e-yaqeen pe barsein sahab-e-lutf-e-Nabi ﷺ ki boondein To be-asar hai riyazaton ki chita mein khud ko bithaye rakhna

Huroof-e-naat-e-Nabi ﷺ ki quwwat ka ek adna muzahira hai Hamara nok-e-qalam chubhoke zameer-e-shab ko jagaye rakhna

Lagao yaad-e-Nabi ﷺ ke paude dil-o-nazar ki kyariyon mein Jo chahte ho aqeedaton ka chaman hamesha khilaye rakhna

Ilaj-e-amraz-e-rooh-o-jaan ka hai zikr-e-Salli-ala mein pinhan Jo chahte ho sukoon ki daulat isi mein dil ko lagaye rakhna

Download Lyrics & Access Offline - Install Our App Now!

Yahi hai imaan ka taqaza, isi mein Zaat-e-Khuda hai raazi Jabeen aajz-o-niyaz Shahzad un ke dar par jhukaye rakhna