Diyar-e-Batin Ke Takchon Mein Diye Sana Ke Jalaye Rakhna

دیارِ باطن کے طاقچوں میں دیئے ثنا کے جلائے رکھنا ادب سے پلکوں پہ آنسوؤں کے حسین موتی سجائے رکھنا

اگر نہ اُن کے ادب کا دامن ہمارے دستِ نیاز میں ہو عبث ہے صوم و صلوٰۃ کے پھر پہاڑ سر پر اٹھائے رکھنا

اگر نہ کشتِ یقیں پہ برسیں سحابِ لطفِ نبیﷺ کی بوندیں تو بے اثر ہے ریاضتوں کی چِتا میں خود کو بٹھائے رکھنا

More Lyrics, Less Storage - Install the App and Ditch the Screenshots!

حروفِ نعتِ نبیﷺ کی قوت کا ایک ادنیٰ مظاہرہ ہے ہمارا نوکِ قلم چبھو کر ضمیرِ شب کو جگائے رکھنا

لگاؤ یادِ نبیﷺ کے پودے دل و نظر کی کیاریوں میں جو چاہتے ہو عقیدتوں کا چمن ہمیشہ کھلائے رکھنا

علاجِ امراضِ روح و جاں کا ہے ذکرِ صلِ علیٰ میں پنہاں جو چاہتے ہو سکوں کی دولت اسی میں دل کو لگائے رکھنا

یہی ہے ایمان کا تقاضا، اسی میں ذاتِ خدا ہے راضی جبیں عجز و نیاز شہزاد اُن کے در پر جھکائے رکھنا