Dil Pe Unki Nazar Ho Gayi

Dil pe un ki nazar ho gayi Mujh ko apni khabar ho gayi

Main bhi mushtaq-e-meraj tha Un ki dehleez par ho gayi

Oorh lein un ki parchhaiyan Roshni kis qadar ho gayi

Free Up Space - Get Lyrics Without Bulky Screenshots!

Ruk gayi zehen mein un ki chaap Manzil-e-ishq, sar ho gayi

Ek hi lamha-e-qurb mein Umr sari basar ho gayi

Naam leti rahi aap ka Bekhudi bhi hunar ho gayi

Woh mere khwaab mein aa gaye Mere andar sahar ho gayi

Is qadar woh huye meherbaan Meri toba nidar ho gayi

Marte dam woh rahe saamne Maut bhi chara-gar ho gayi

Bakhsh de ga Muzaffar Khuda Un ki rehmat agar ho gayi