Dil Pe Unki Nazar Ho Gayi

دِل پہ اُن کی نظر ہو گئی مُجھ کو اپنی خبر ہو گئی

مَیں بھی مشتاقِ معراج تھا اُن کی دہلیز پر ہوگئی

اوڑھ لِیں اُن کی پرچھائیاں روشنی کِس قدر ہوگئی

رُک گئی ذہن میں اُن کی چاپ منزلِ عِشق ،سر ہو گئی

ایک ہی لمحہء قرب میں عمر ساری بسر ہو گئی

نا م لیتی رہی آپ کا بے خودی بھی ہُنر ہوگئی

وہ مِرے خواب میں آگئے میرے اندر سحَر ہوگئی

اس قدر وہ ہُوئے مہرباں میر ی توبہ نڈر ہوگئی

مرتے دَم وہ رہے سامنے مَوت بھی چارہ گر ہوگئی

بخش دے گا مظفّؔر خُدا اُن کی رحمت اگر ہو گئی